Hacıyevlər ailəsindən, Nijni Novqorod, Rusiya

Möhtərəm Prezident!

Cənab Ali Baş Komandan! 

Biz, xarici ölkələrdə yaşayan azərbaycanlılar vətəndən uzaqda yaşasaq da, müxtəlif vasitələrlə vətənimizdə baş verən hadisələri izləyir və uğurumuza, qələbələrimizə sevinir, qürur duyuruq. 

Bu gün TV vasitəsi ilə Milli Qəhrəmanımız Mübariz İbrahimovun və zabit Fərid Əhmədovun vətənə qaytarılmasının və dəfn mərasiminin şahidi olduq. Həm kədərləndik, həm də qürur hissi duyduq.

Şəhidlərimizin vətənə qaytarılması üçün göstərdiyiniz fədakarlığa görə Sizə dərin minnətdarlığımızı bildirir və Sizinlə fəxr edirik. Dəfn mərasimində söylədiyiniz nitqə və şəhidlərə verilən qiymətə görə qarşınızda baş əyir və inanırıq ki, Azərbaycan öz ərazi bütövlüyünü bərpa edəcək. İnşallah. 

Allah-təaladan Sizə uzun ömür, cansağlığı və xalqımızın rifahı naminə gördüyünüz işlərdə uğurlar arzulayırıq.

Dərin hörmətlə,

Hasil, Fərahim, Hacı, Könül, Rəna Hacıyevlər.

Rusiya, Nijni Novqorod, Kominterna küçəsi 26-64.