Azərbaycan Respublikasının Prezidenti İlham Əliyev

Ukrayna Prezidenti Viktor Yanukoviç İlham Əliyevə telefonla zəng etmişdir

24 dekabr 2013, 15:10

Ukrayna Prezidenti Viktor Yanukoviç Prezident İlham Əliyevə telefonla zəng etmişdir.

Ukrayna Prezidenti dövlətimizin başçısını ad günü münasibətilə təbrik etmiş, ona prezidentlik fəaliyyətində yeni-yeni uğurlar və möhkəm cansağlığı arzulamışdır.

Dövlətimizin başçısı göstərilən diqqətə və təbrikə görə Viktor Yanukoviçə minnətdarlığını bildirmişdir.

Azərbaycan və Ukrayna prezidentləri ikitərəfli münasibətlərimizin müxtəlif sahələrdə uğurlu inkişafından məmnunluq ifadə etmiş, Azərbaycan Prezidentinin Ukraynaya bu ilin noyabrında həyata keçirilmiş səfərinin əlaqələrimizin daha da möhkəmləndirilməsi baxımından önəmi qeyd olunmuş, əməkdaşlığımızın bundan sonra da güclənəcəyinə əminlik bildirmişlər.

SƏNƏDLƏR Sərəncamlar 18 mart 2025
17:02
Azərbaycan Respublikası Dövlət Miqrasiya Xidmətinin əməkdaşlarının “Miqrasiya orqanlarında qulluqda fərqlənməyə görə” medalı ilə təltif edilməsi haqqında Azərbaycan Respublikası Prezidentinin Sərəncamı

Azərbaycan Respublikası Konstitusiyasının 109-cu maddəsinin 23-cü bəndini rəhbər tutaraq qərara alıram:

Xidməti vəzifələrini yerinə yetirərkən fərqləndiklərinə görə Azərbaycan Respublikası Dövlət Miqrasiya Xidmətinin aşağıdakı...

18 mart 2025, 17:02
Digər yazılar