Azərbaycan Respublikasının Prezidenti İlham Əliyev

Xalq Rəssamı, Azərbaycan Milli Elmlər Akademiyasının həqiqi üzvü, Azərbaycan Dövlət Rəssamlıq Akademiyasının rektoru, akademik Ömər Eldarova

22 dekabr 2017, 16:50

Hörmətli Ömər müəllim.

Sizi – Azərbaycan heykəltəraşlıq sənətinin inkişafında misilsiz xidmətləri olan görkəmli incəsənət xadimini – 90 illik yubileyiniz münasibətilə səmimi qəlbdən təbrik edir, Sizə ən xoş arzularımı çatdırıram.

Siz xalqımızın mənəvi təkamülünə, gənclərimizin estetik tərbiyəsinə mühüm töhfələr vermiş, Azərbaycanın dahi şəxsiyyətlərinin unudulmaz obrazlarını gözəl abidələrə çevirərək milli heykəltəraşlıq məktəbini zənginləşdirmiş böyük sənətkarsınız. Mənəvi dəyəri, bədii təsiri və milli koloriti ilə seçilən monumental əsərləriniz ənənələrlə zəngin olan Azərbaycan təsviri sənətinə heykəltəraşlıqla memarlığın uğurlu sintezini bəxş etmişdir. Siz uzun illər ərzində milli mənəviyyatımızın təbliğ edilməsi naminə səylərinizi əsirgəməyərək, Azərbaycan heykəltəraşlıq sənətini bütün dünyada layiqincə təmsil etmiş və sənətsevərlərin böyük rəğbətini qazanmısınız.

Hörmətli Ömər müəllim, siz yorulmaz fəaliyyətiniz və məhsuldar yaradıcılığınızla daim Azərbaycan xalqına xidmət etmisiniz. Azərbaycan Dövlət Rəssamlıq Akademiyasının rektoru kimi ölkəmizdə yeni sənətkarlar nəslinin yetişdirilməsi, gənc rəssamlarımızın böyük sənətə cəlb olunması və onlarda bədii-estetik zövqün formalaşdırılması işinə xidmət edən pedaqoji fəaliyyətinizi xüsusi qeyd etmək istəyirəm.

Sizin əməyiniz dövlətimiz tərəfindən daim yüksək qiymətləndirilib. Çoxsaylı mükafatlarla, o cümlədən “İstiqlal”, “Şərəf” və Azərbaycanın ən yüksək mükafatı olan “Heydər Əliyev” ordeni ilə təltif edilməyiniz bunun aydın ifadəsidir. Ən böyük mükafatınız isə incəsənətimizə bəxş etdiyiniz əsərləriniz, yaradıcılığınız, fəaliyyətiniz və şəxsi keyfiyyətləriniz sayəsində insanların qəlbində özünüzə və sənətinizə qarşı yaratdığınız sevgidir.

Bu əlamətdar gün münasibətilə Sizi bir daha təbrik edir, doğmalarınızın və yaxınlarınızın əhatəsində firavan həyat arzulayıram.

 

Hörmətlə,

Mehriban Əliyeva

Azərbaycan Respublikasının Birinci vitse-prezidenti

Bakı şəhəri, 21 dekabr 2017-ci il

SƏNƏDLƏR Sərəncamlar 07 yanvar 2025
15:55
Dövlət büdcəsindən maliyyələşən bir sıra təşkilatlarda çalışan işçilərin əməkhaqlarının artırılması haqqında Azərbaycan Respublikası Prezidentinin Sərəncamı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, əhalinin rifahının yaxşılaşdırılması və sosial müdafiəsinin gücləndirilməsi məqsədilə qərara alıram:

1. Azərbaycan Respublikasının dövlət...

07 yanvar 2025, 15:55
SƏNƏDLƏR Fərmanlar 07 yanvar 2025
15:53
“Azərbaycan Respublikasının Vergi Məcəlləsində dəyişiklik edilməsi haqqında” Azərbaycan Respublikasının 2024-cü il 16 dekabr tarixli 98-VIIQD nömrəli Qanununun icrası ilə əlaqədar Azərbaycan Respublikası Prezidentinin bəzi fərmanlarında dəyişiklik edilməsi barədə Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, “Azərbaycan Respublikasının Vergi Məcəlləsində dəyişiklik edilməsi haqqında” Azərbaycan Respublikasının 2024-cü il 16 dekabr tarixli 98-VIIQD...

07 yanvar 2025, 15:53
SƏNƏDLƏR Qanunlar 07 yanvar 2025
15:49
Azərbaycan Respublikasının 1997-ci il 3 oktyabr tarixli 377-IQ nömrəli Qanunu ilə təsdiq edilmiş “Hərbi xidmətkeçmə haqqında” Əsasnamədə dəyişiklik edilməsi barədə Azərbaycan Respublikasının Qanunu

Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 18-ci bəndini rəhbər tutaraq qərara alır:

Azərbaycan Respublikasının 1997-ci il 3 oktyabr tarixli 377-IQ nömrəli Qanunu (Azərbaycan...

07 yanvar 2025, 15:49
Digər yazılar