Azərbaycan Respublikasının Prezidenti cənab İlham Əliyevə
Azərbaycan Respublikasının Birinci vitse-prezidenti Mehriban xanım Əliyevaya
Cənab Prezident.
Hörmətli Mehriban xanım.
Mənim Avropa Gimnastika İttifaqının prezidenti seçilməyim münasibətilə səmimi təbrikinizə görə Sizə öz dərin minnətdarlığımı bildirirəm.
Bu gün idmanın inkişafı Azərbaycanın dövlət siyasətinin prioritetlərindəndir. Sizin idmana, o cümlədən gimnastikaya olan xüsusi diqqətiniz sayəsində idmançılarımız ən nüfuzlu beynəlxalq yarışlarda yüksək nailiyyətlər əldə edirlər. Bütün bunlar Azərbaycan idmanında və ilk növbədə gimnastikada baş verən müsbət dəyişikliklərin məntiqi nəticəsidir.
Mehriban xanım Əliyevanın 2002-ci ildə Azərbaycan Gimnastika Federasiyasının prezidenti seçilməsi Azərbaycanın idman tarixində keyfiyyətcə yeni səhifənin açılmasına gətirib çıxardı. Qısa müddət ərzində gimnastika ölkəmizdə çox sevilən idman növünə çevrildi.
Son illər Azərbaycanda gimnastika növləri üzrə nüfuzlu beynəlxalq yarışların yüksək səviyyədə təşkil edilməsi, idmançılarımızın beynəlxalq arenada tanınması uğurlu idman siyasətinizin bəhrəsidir.
Bir daha təbrikinizə və fəaliyyətimə verdiyiniz yüksək qiymətə görə Sizə təşəkkür edirəm.
Hörmətlə,
Fərid Qayıbov
Avropa Gimnastika İttifaqının prezidenti
