Rövşən Qurbanovdan, Kürdəmir, Azərbaycan

Gözəl və qayğıkeş insan, gözəl ana, Vətənini və xalqını sevən çox hörmətli Mehriban xanım.

Mən bu məktubu Sizə qayğıkeşliyinizə, insanlara məhəbbətinizə görə yazıram. Siz insanlara çox kömək edirsiniz. Bunu hamı bilir. Allah Sizdən razı olsun.

Koronavirusun yayılması ilə əlaqədar xalqa müraciətiniz bir daha sübut etdi ki, Siz hər zaman insanların yanındasınız, onlara kömək göstərirsiniz. Sizin müraciətiniz bu həssas məqamda insanlara ruh yüksəkliyi verdi. İnsanların təşvişə düşməməsi üçün bu müraciətiniz çox vacib idi və Siz bunu etdiniz. Biz bir daha əmin olduq ki, ən çətin günlərdə belə güvənə biləcəyimiz Sizin və Prezidentimiz kimi etibarlı, humanist rəhbərlərimiz var.

Mən Sizə, Prezidentimizə və ailə üzvlərinizə uzun ömür, cansağlığı arzulayıram. Allah Sizi bu xalqa çox görməsin.

Hörmətlə,

Qurbanov Rövşən Nazim oğlu.

Azərbaycan Respublikası, Kürdəmir rayonu, Sığırlı kəndi.