Tural Tağıyevdən, Siyəzən, Azərbaycan

Çox hörmətli Mehriban xanım.

COVID-19 pandemiyası bütün dünyada tüğyan etdiyi, güclü dövlətlərin bu virus qarşısında aciz qaldığı bir vaxtda cənab Prezidentimizin və Sizin tapşırığınızla görülən qabaqlayıcı tədbirlər sayəsində ölkəmiz bu çətinliyi dəf etməkdədir. Siz həmişə olduğu kimi, bu çətin günlərdə də xalqın yanındasınız, bizim sağlamlığımızın qorunması, sosial rifahımızın daha da yüksəldilməsi üçün əlinizdən gələni əsirgəmirsiniz.

Hörmətli Mehriban xanım, Siyəzən rayon gəncləri bu çətin günlərdə Sizi dəstəkləyirlər. Biz Sizinlə fəxr edirik. Sizin kimi güclü Azərbaycan xanımızın bizlərə dəstək olmasından şərəf hissi duyuruq. Allah Sizi və ailənizi qorusun.

Hörmətlə,

Tağıyev Tural Eyyam oğlu, 2-ci qrup müharibə əlili.

Azərbaycan Respublikası, Siyəzən rayonu.