Nərmin Nəsibova və başqalarından, Samux, Azərbaycan

Çox hörmətli Mehriban xanım.

Ölkəmizdə Prezident İlham Əliyev tərəfindən həm siyasi, həm də iqtisadi sahələrdə aparılan islahatların uğurla həyata keçirilməsində Sizin məqsədyönlü fəaliyyətiniz danılmazdır. Bu tədbirlər sırasında uşaqlara və məktəblilərə göstərilən yüksək qayğı böyük rəğbətlə qarşılanır.

Son illərdə respublikamızın demək olar ki, bütün regionlarında yüzlərlə məktəbin, uşaq bağçasının tikilməsi, bir çox sosial obyektlərin isə bərpa edilməsi ölkəmizdə uşaqlara göstərilən diqqət və qayğının mühüm tərkib hissəsi olmaqla yanaşı, həm də Azərbaycanın gələcəyinin daha etibarlı təminatına geniş imkanlar açır. Bu işdə Heydər Əliyev Fondunun fəaliyyəti isə danılmazdır. Bu sahədə həyata keçirilən dövlət siyasətinə Sizin rəhbərlik etdiyiniz Fondun verdiyi dəstək və onun təşəbbüsü ilə yeni-yeni təhsil ocaqlarının tikilməsi bütün Azərbaycan ictimaiyyəti kimi, biz samuxluların da rəğbətinə səbəb olub. Yeni məktəb binalarının, uşaq bağçalarının istifadəyə verilməsi gələcəyimiz olan fidanlara diqqət və qayğınızın bariz nümunələridir. Heydər Əliyev Fondu Azərbaycanın hər yerində olduğu kimi, Samux rayonunda da irimiqyaslı layihələr həyata keçirir. Bu tədbirlərin davamı olaraq bu il bizim Sərkar kəndində dördmərtəbəli, 800 yerlik məktəb binasının və ikimərtəbəli, 100 yerlik müasir uşaq bağçasının tikintisinə başlanılıb. Hazırda hər iki sosial obyektin tikintisi uğurla davam etdirilir.

Hörmətli Mehriban xanım, görülən bütün bu işlərə və uşaqlarımıza yaradılan şəraitə görə Sizə dərin minnətdarlığımızı bildirir, şərəfli və məsuliyyətli fəaliyyətinizdə yeni-yeni uğurlar arzulayırıq. Ulu Tanrı Sizi qorusun.

Sərkar kəndinin sakinləri adından hörmətlə,

Nəsibova Nərmin Dövran qızı

Paşayeva Bəsti Sayad qızı

Əsgərov Həsən Məmməd oğlu

Əliyev Xaliq Əliqara oğlu

Ramazanov Gülməmməd Sabir oğlu

Nəsibov Rasim Zülqədər oğlu

Nəsibova Zərəngiz Məmməd qızı

Məmmədopva Edelya Oruc qızı

Azərbaycan Respublikası, Samux rayonu.