Azərbaycan Azad Respublikaçılar Partiyasının sədri Kamil Seyidovdan

Azərbaycan Respublikasının Prezidenti Zati-aliləri cənab İlham Əliyevə

Hörmətli Prezident, cənab Ali Baş Komandan.

Sizi Azərbaycan Azad Respublikaçılar Partiyasının üzvləri adından 60 illik yubileyiniz münasibətilə təbrik edirəm. Ulu Tanrıdan Sizə uzun ömür, cansağlığı arzulayıram.

Azərbaycan xalqı 30 ildən bəri gözlədiyi böyük Qələbənin sevincini yaşayır. Azərbaycan Ordusunun 30 illik işğala Sizin rəhbərliyinizlə son qoyması, torpaqlarımızı azad etməsi dövlətçilik tariximizin şanlı səhifələrindədir. Bu Qələbə xalqımızın birliyini, həmrəylini daha da möhkəmləndirdi, ruh yüksəkliyini, mübarizliyini daha da artırdı.

Cənab Prezident, Sizin fəaliyyətiniz, həyata keçirdiyiniz düşünülmüş siyasət Vətənimizin müdafiəsinə, tərəqqisinə, xalqımızın rifahına xidmət edir. Sizin müasir dünya siyasətinə yaxından bələd olmağınız, beynəlxalq siyasi prosesləri dərindən təhliletmə qabiliyyətiniz, vaxtında cəsarətli siyasi addımlar atmağınız Azərbaycanı regionda aparıcı dövlətə çevirmişdir.

Bütün bu uğurların təminatçısı Sizsiniz, möhtərəm cənab Prezident. Sizə yorulmaz fəaliyyətinizdə uğurlar arzulayırıq. İnanırıq ki, Sizin rəhbərliyinizlə Azərbaycan daha böyük zəfərlər qazanacaq.

Uca Tanrı Sizi qorusun!

Hörmətlə,

Kamil Seyidov

Azərbaycan Azad Respublikaçılar Partiyasının sədri