Elmira Axundovadan, Bakı, Azərbaycan

Möhtərəm Prezident,

İcazə verin, ölkənin ictimai-siyasi və mədəni həyatında uzunmüddətli fəaliyyətimə görə məni yüksək mükafatla təltif etdiyiniz üçün Sizə səmimi-qəlbdən təşəkkür bildirim.

1990-cı illərdə jurnalist, 2000-ci illərdə publisist və parlamentin üzvü, bu gün isə Azərbaycanın Xalq yazıçısı kimi həmişə ölkəmiz haqqında həqiqətləri çatdırmağa, milli maraqları qorumağa, gözəl diyarımızın mədəni simasını əks etdirəcək sənədli və bədii əsərlər yaratmağa çalışmışam. Mən xoşbəxtəm ki, Ümummilli Liderimiz Heydər Əliyev haqqında sanballı kitablar yaza bilmişəm və Sizi əmin etmək istəyirəm ki, bu fəaliyyətim hələ uzun illər davam edəcək.

Sizə - dünyamiqyaslı tanınmış Liderə, İkinci Qarabağ müharibəsində tarixi Qələbə qazanmış Ali Baş Komandana, ölkəsinin müdrik rəhbərinə cansağlığı, yeni möhtəşəm uğurlar və Azərbaycan xalqının daha da çiçəklənməsinə, dövlət müstəqilliyinin möhkəmləndirilməsinə töhfə verəcək qlobal layihələrin həyata keçirilməsində müvəffəqiyyətlər arzulayıram.

Azərbaycan ziyalılarının nümayəndələri kimi biz hər zaman Sizin yanınızdayıq.

Dərin hörmətlə,

Axundova Elmira,

Azərbaycanın Xalq yazıçısı.

Azərbaycan Respublikası, Bakı şəhəri.