Mehman İbrahimovdan, Bakı, Azərbaycan

Hörmətli cənab Prezident, Müzəffər Ali Baş Komandan!

Mən, Vətən müharibəsi qazisi olaraq ailəm adından Sizə dərin minnətdarlığımı bildirirəm.

Zəfərli günlərimizdə Sizin komandanlığınızla torpaqlarımızın düşmən tapdağından azad olunması uğrunda iştirak edən və buna görə qürur və fəxr hissi keçirən vətəndaş kimi özümü bəxtəvər insan hesab edirəm. Bəxtəvər olmağımın əsas səbəblərindən biri də Sizin tapşırığınızla bizim ailəyə yeni mənzilin təqdim olunmasıdır.

Sizin daxili və xarici siyasətinizin həyata keçirilməsində, xalqımızın rifahı üçün gördüyünüz işlərdə biz qazilər daim Sizə dəstəyik və həmişə Sizin yanınızda olacağıq.

Əziz Prezidentimiz, şəhid ailələrinə və qazilərimizə göstərdiyiniz yüksək diqqət və qayğıya görə Sizə təşəkkür edirəm.

Hörmətlə,

İbrahimov Mehman Kamil oğlu, Vətən müharibəsi qazisi.

Azərbaycan Respublikası, Bakı şəhəri, Nəsimi rayonu.