Malik Şirinlidən, Bakı, Azərbaycan

Möhtərəm cənab Prezident!

Siz və Türkiyə Respublikasının Prezidenti Rəcəb Tayyib Ərdoğan türkdilli xalqlar və dövlətlər arasında birliyin, siyasi, iqtisadi və mədəni əlaqələrin inkişafına, bütövlükdə Türk dünyasının yüksəlişinə son illər ərzində böyük töhfələr vermisiniz. Bu günlərdə Türkiyədə keçirilən prezident seçkilərində Rəcəb Tayyib Ərdoğanın yenidən Türkiyə Respublikasının Prezidenti seçilməsi bu töhfələrin davam edəcəyinə və qarşıdakı illərdə Türk dövlətlərinin birliyinin daha da möhkəmlənəcəyinə olan ümidlərimizi artırdı.

Fürsətdən istifadə edərək, qardaş Türkiyə xalqına düzgün seçim etdiyinə, Türkiyənin və türk dünyasının gələcəyinə səs verdiyinə görə təbriklərimi çatdırır, sevgilərimi ifadə edirəm.

Yaşasın Azərbaycan-Türkiyə və iki dövlətin Liderlərinin dostluğu və qardaşlığı!

Cənab Prezident, Allahdan Sizə cansağlığı, işlərinizdə yeni-yeni müvəffəqiyyətlər arzulayıram.

Hörmətlə,

Şirinli Malik

Azərbaycan Respublikası, Bakı şəhəri, Nəsimi rayonu.