Çingiz Məhərrəmov və başqalarından, Tərtər, Azərbaycan

Hörmətli cənab Prezident.

Sizin diqqət və qayğınız altında bölgələrimiz günü-gündən inkişaf edir, gözəlləşir. Bu yenilik, abadlıq yaşadığımız Tərtər şəhərinin hər bir küçəsində hiss olunur. Bunu öz yaşadığımız Süleyman Məmmədov adına küçənin timsalında daha aydın görürük. Küçəmizdə bir canlanma var, kol-koslar təmizlənib, hasarlar aqlay və bəzək daşları ilə üzlənir, kommunikasiya xətləri yenisi ilə əvəz olunub, asfalt salınıb.

Möhtərəm cənab Prezident, Tərtər şəhərinin, eləcə də küçələrimizin abadlaşdırılmasına, bütövlükdə biz tərtərlilərə göstərdiyiniz hərtərəfli diqqət və qayğıya görə Sizə öz minnətdarlığımızı bildiririk.

Hörmətlə,

Məhərrəmov Çingiz,

Hətəmi Mədəd,

Cəlali Camal,

Aslanov Elçin

Azərbaycan Respublikası, Tərtər şəhəri.