İmran Verdiyev və başqalarından, Oğuz, Azərbaycan

Hörmətli cənab Prezident.

Sizin tapşırığınıza əsasən Oğuz-Xaldan avtomobil yolunun Oğuz rayonu ərazisindən keçən 10 kilometrlik hissəsinin və yol üzərindəki 3 körpünün əsaslı təmiri başa çatmış və istifadəyə verilmişdir. Oğuz rayonunun inkişafına göstərdiyiniz diqqət və qayğıya görə oğuzlular adından Sizə dərin minnətdarlığımızı bildiririk.

Müzəffər Ali Baş Komandan, digər sahələrdə olduğu kimi, hərbi sahədə də görülən işlər öz müsbət nəticələrini verir. Torpaqlarımızın düşmən tapdağından xilas olunması, 44 günlük Vətən müharibəsində qazandığımız şanlı Qələbəmiz Sizin qətiyyətinizin, iradənizin, böyük sərkərdəlik məharətinizin və müdrik siyasətinizin nəticəsidir. Sizə dövlətçilik ideyalarının həyata keçirilməsi naminə apardığınız şərəfli fəaliyyətinizdə və ölkəmizdə həyata keçirilən layihələr çərçivəsində gördüyünüz möhtəşəm işlərdə uğurlar, şəxsi həyatınızda möhkəm cansağlığı arzulayırıq.

Oğuz rayon ictimaiyyəti və ziyalıları adından hörmətlə,

Verdiyev İmran, Əməkdar müəllim,

Camıyev Sahib, fəlsəfə doktoru,

Həmidova Tamella, Əməkdar müəllim,

Nurməmmədov Rəşid, Əməkdar müəllim,

Rəhimova Dilguşə, Əməkdar müəllim,

Abdulkərimova Alimə, “Tərəqqi” medallı.

Azərbaycan Respublikası, Oğuz şəhəri.