Ağanəzər Gülməmmədovdan, Sabirabad, Azərbaycan

Hörmətli cənab Prezident.

Azərbaycan dövləti tarixinin şərəfli bir dövrünü yaşayır. Ümummilli Liderimiz Heydər Əliyev dühası, müdrikliyi, Sizin siyasi səriştəniz və qətiyyətiniz Azərbaycan xalqına qalibiyyət hissi yaşatdı, müstəqilliyimizi daimi, əbədi və sarsılmaz etdi.

Siz bütün sahələrin inkişafına xüsusi diqqət yetirirsiniz. Son illər tapşırıqlarınızla ölkəmizdə quruculuq işləri geniş vüsət almışdır. Şəhər və kəndlərimiz gündən-günə abadlaşır, bütün bölgələrdə keyfiyyətli, müasir yollar çəkilir. Qarabağ Zəfərindən sonra doğma torpaqlarda başlanılan işlər isə hamımızı qürurlandırır.

Bu ilin may ayında Sabirabad şəhərində avtomobil yollarının əsaslı təmiri üçün 2,9 milyon manat ayırmanız rayon sakinlərinin böyük sevincinə səbəb oldu. Sərəncamdan qısa müddət sonra şəhərimizin Heydər Əliyev prospektində yollara yeni asfalt örtüyü vuruldu. Aparılan abadlıq işləri hamıda məmnunluq hissləri yaradır. Buna görə Sizə dərin minnətdarlığımı bildirirəm.

Hörmətlə,

Gülməmmədov Ağanəzər Ərzulla oğlu

Azərbaycan Respublikası, Sabirabad rayonu