Arif Məmmədovdan, Zaqatala, Azərbaycan

Hörmətli cənab Prezident, Müzəffər Ali Baş Komandan.

Mən Zaqatala rayonunun Bəhmətli kəndində yaşayıram. Biz Sizin uğurlu siyasətinizi bəyənirik və daim yanınızdayıq.

Cənab Prezident, Sizin qətiyyətiniz, möhkəm iradəniz, dillərə dastan olan “dəmir yumruğ”unuz və igid oğullarımızın rəşadəti sayəsində doğma Qarabağımızı, tarixi torpaqlarımızı düşmən işğalından azad etdik. Qarabağımızda üç ilə yaxın müddətdə görülən bərpa-yenidənqurma işləri Sizin güclü siyasi iradənizi bir daha göstərdi.

Sizin hər bir xarici səfərinizi böyük maraqla izləyirəm. Xarici ölkələrdə böyük hörmətlə qarşılanmağınız bir vətəndaş olaraq məni çox qürurlandırır.

Əziz Prezident, Bəhmətli-Kürdəmir kəndinin yolları pis vəziyyətdə idi. Sizin müvafiq Sərəncamınızla kəndimizin yolları yenidən qurulur. Sizə minnətdarıq. Uğurlu iqtisadi siyasətinizin nəticəsidir ki, Azərbaycan gündən-günə inkişaf edir, güclənir.

Sizi çox sevirik, xidmətləriniz hər zaman minnətdarlıqla xatırlanacaq və daim ürəklərdə yaşayacaqsınız.

Cənab Prezident, fürsətdən istifadə edərək Sizə uzun ömür, möhkəm cansağlığı arzulayıram.

Tanrı Sizi qorusun!

Hörmətlə,

Məmmədov Arif, Yeni Azərbaycan Partiyasının üzvü,

Azərbaycan Respublikası, Zaqatala rayonu, Bəhmətli kəndi.