Ali Sabrin Azimdən, Ajman, Birləşmiş Ərəb Əmirlikləri

Hörmətli və əziz Prezident.

Ümummilli Liderimiz Heydər Əliyevin 100 illiyi münasibətilə keçirilən tədbirlər çərçivəsində ilk dəfə təşkil olunan Dünya Azərbaycanlı Təbiblərinin I Simpoziumunda iştirakım xaricdə fəaliyyət göstərən həkim kimi mənim üçün xüsusi önəm daşıyır.

Böyük elmi-praktiki əhəmiyyət daşıyan həmin Simpoziumda xaricdə ölkəmizi təmsil edən həkimlərlə tanış oldum və dərin qürur hissləri yaşadım.

Bizə verdiyiniz dəstəyə və dəyərə görə tədbirdə iştirak edən bütün alimlər və həkimlər adından Sizə minnətdarlığımı bildirirəm.

Əminəm ki, belə tədbirlərdə iştirak edən dünyaşöhrətli alimlər ölkəmizdəki yüksək və sürətli inkişafı heyrətlə izləyirlər.

Sizi çox sevirik, cənab Prezident!

Hörmətlə,

Ali Sabrin Azim,

Ağız və üz-çənə cərrahiyyəsi üzrə mütəxəssis,

Gulf Tibb Universitetinin dosenti.

Birləşmiş Ərəb Əmirlikləri, Ajman şəhəri.