Müşgünaz Məmmədovadan, Tərtər, Azərbaycan

Hörmətli cənab Prezident.

Mən Vətən müharibəsi şəhidi Elman Məmmədovun anasıyam. Allah bütün şəhidlərimizə rəhmət eləsin!

Sizin şəhid ailələrinə göstərdiyiniz diqqət və qayğı biz şəhid analarının qəlbini ovudur, nisgilini yüngülləşdirir. Bu qayğını hər zaman hiss edirik.

Cənab Prezident, mənim digər oğlum işsiz idi. Sizin diqqət və qayğınız sayəsində artıq DOST İş Mərkəzində işlə təmin olunub. Bundan başqa, bu yaxınlarda mən və digər bir şəhid anası müalicəyə göndərildik. Şəhid ailələrini daim diqqətdə saxladığınıza görə Sizə şəxsən öz minnətdarlığımı bildirirəm. Fəxr edirik ki, Sizin kimi Prezidentimiz var.

Tanrı Sizi qorusun!

Hörmətlə,

Müşgünaz Məmmədova, şəhid anası

Azərbaycan Respublikası, Tərtər rayonu, Borsunlu kəndi.