Hafiz Rzayevdən, Yevlax, Azərbaycan

Hörmətli cənab Prezident.

Sizin rəhbərliyinizlə bütün sahələrdə olduğu kimi enerji təchizatı ilə bağlı da böyük işlər görülür. Aparılan yenidənqurma işlərinin nəticəsində istehlakçılar dayanıqlı və keyfiyyətli elektrik enerjisi ilə tam təmin olunurlar.

Cənab Prezident, uzun illərdir əziyyət çəkdiyimiz işıq problemimiz öz həllini tapdığına görə Nərimanabad kənd sakinlərinin adından Sizə dərin minnətdarlığımı bildirirəm. İşıq xətti meşə zolağından keçdiyinə görə külək əsəndə işıqlarımız tez-tez sönürdü. Həmin xətt meşə zolağından çıxarılaraq kənardan keçməklə yenidən çəkilib. Artıq fasiləsiz işıqla təmin olunmuşuq.

Cənab Prezident, kəndimizin bütün sakinləri adından Sizə təşəkkür edir, gələcək fəaliyyətinizdə uğurlar arzulayıram.

Hörmətlə,

Rzayev Hafiz Əli oğlu

Azərbaycan Respublikası, Yevlax rayonu, Nərimanabad kəndi.