Sudeif İmamverdiyevdən, Bakı, Azərbaycan

Möhtərəm cənab Prezident.

Məni 1-ci dərəcəli “Vətənə xidmətə görə" ordeni ilə təltif etməyinizlə əlaqədar olaraq Sizə dərin minnətdarlığımı bildirirəm.

Ulu Öndərimizin və şəxsən Sizin mənə diqqət və qayğınız hər zaman fəaliyyətimə, bütün həyatıma müsbət təsir göstərmiş və bu xoş duyğular daim məni yeni hədəflərə çatmağa ruhlandırmaqda davam edir.

Sizə mütləq bir fikri çatdırmaq istəyirəm ki, Azərbaycanımızı yüksək, dərin zəka ilə idarə edərək onun bütün sahələrdə inkişafını təmin etməyiniz milyonlarla vətəndaşlarımıza, o cümlədən mənə bəxş etdiyiniz hədiyyə, təltifdir. Bu sırada Ali Baş Komandan olaraq Azərbaycan Ordusunu müasir səviyyədə formalaşdıraraq işğal olmuş torpaqlarımızı azad etməyiniz, xalqımızın başını göylərə ucaltmağınız, Azərbaycan dövlətini ən inkişaf etmiş ölkələrin sırasında öz layiqli yerini tutmasına nail olmağınız misli görünməmiş uğurlardır.

Milyonlarla ölkə vətəndaşı, dünya azərbaycanlıları kimi mən də Sizinlə fəxr edərək daim Sizin tutduğunuz bu möhtəşəm yolda addımlamağa çalışacağam.

Hörmət və ehtiramla,

İmamverdiyev Sudeif Bəşir oğlu,

Yeni Azərbaycan Partiyası Veteranlar şurasının üzvü.

Azərbaycan Respublikası, Bakı şəhəri.