Ağa Əliyev və başqalarından, Gəncə, Azərbaycan

Hörmətli cənab Prezident.

Gəncə şəhərində və bizim yaşadığımız küçələrdə görülən abadlıq-quruculuq işlərinə, yollara asfalt örtüyünün salınmasına görə Sizə dərin təşəkkürümüzü bildirmək istəyirik.

Allah Sizə möhkəm cansağlığı versin, kölgənizi ölkəmizin və xalqımızın başı üzərindən əskik etməsin. Sizin sayənizdə qədim Nizami yurdu Gəncə bu gün əsrarəngiz gözəlliyə sahibdir, keçmişlə müasirliyin vəhdətini təcəssüm etdirir. Biz gəncəlilər öz şəhərimizlə və dövlətimizlə fəxr edir, qürur duyuruq.

Əziz Prezidentimiz, respublikamızda abadlıq işlərinin görüldüyü bir vaxtda bizim şəhərimizi də diqqət mərkəzində saxladığınız üçün Sizə öz minnətdarlığımızı bildiririk.

Hörmətlə,

Əliyev Ağa,

İsmayılov Namiq,

İsmayılova Elmira,

Pənahov Nihad,

Abdullayev Sahil,

Məmmədhəsənova Jalə,

Məmmədov Vaqif və başqaları (14 nəfər).

Azərbaycan Respublikası, Gəncə şəhəri.