Sora Ağayevadan, Cəlilabad, Azərbaycan

Cənab Ali Baş Komandan!

Mən şəhid anasıyam. Övlad itkisinə üzülsəm də, torpaqlarımızın azadlığı ilə təsəlli tapıram. Azadlığa qovuşmuş torpaqlarımızda hazırda həyata keçirilən quruculuq və bərpa işləri məni qəlbən sevindirir. Əminəm ki, Sizin rəhbərliyinizlə görülən bu işlər nəticəsində Qarabağımız, Şərqi Zəngəzurumuz, eləcə də digər bölgələrimiz əvvəlkindən də gözəl görkəm alacaq, bu yerlərdə həyat yenidən canlanacaq.

Bütün bu işlərin fonunda bizim kəndimizdə – Cəlilabad rayonunun Adnalı kəndində görülən işlər dövlətimizin qüdrətini, hər bir yaşayış məntəqəsinin diqqət mərkəzində olduğunu göstərir. Kəndimizdə 5 kilometrlik ərazidə yolun sağ və sol hissəsində şam ağacları əkilmiş, 3 hektar ərazidə gözəl park salınmışdır. Kənd yerində belə parkın olması həm mədəniyyət, həm də asudə vaxtın səmərəli təşkili deməkdir. Bizim üçün bütün bunlar çox dəyərlidir.

Əziz Prezidentimiz, ümumilikdə ölkəmiz üçün gördüyünüz işlərə görə şəhid ailələri, qazilər və kəndimizin sakinləri adından Sizə təşəkkür edirəm.

Hörmətlə,

Ağayeva Sora, şəhid anası.

Azərbaycan Respublikası, Cəlilabad rayonu, Adnalı kəndi.