İsay Zaxaryayevdən, Moskva, Rusiya

Hörmətli İlham Əliyev!

“Diaspor fəaliyyətində xidmətə görə” medalı ilə təltif olunduğum üçün Sizə səmimi minnətdarlığımı bildirmək istəyirəm. Bu mükafat dağ yəhudiləri icmasının dəstəklənməsində, Azərbaycan diasporu ilə onun Vətəni arasında əlaqələrin inkişafında mənim təvazökar töhfəmə verilən yüksək qiymətdir. Azərbaycan dövləti burada məskunlaşmış bütün xalqların, o cümlədən dağ yəhudilərinin rifahının təmin edilməsi üçün böyük işlər görür. Sizin hökumət diasporla münasibətləri fəal dəstəkləyir və inkişaf etdirir, Azərbaycanın tolerantlığın, millətlərarası və konfessiyalararası sülhün qalası kimi imicinin formalaşmasına töhfə verir.

Mənə verilən yüksək mükafat Vətənimin - Azərbaycanın mənafeyi naminə fəaliyyətimi davam etdirməyim üçün motivasiyadır. Dağ yəhudilərinə və digər milli azlıqlara göstərilən dəstəyə, mehriban münasibətə və diqqətə görə bir daha Sizə və bütün Azərbaycan xalqına səmimi minnətdarlığımı bildirmək istəyirəm. Sizin dinc və ədalətli dövlətin qurulması istiqamətində səyləriniz bütün dünya ictimaiyyəti üçün nümunədir.

Hörmətlə,

İsay Zaxaryayev,

STMEGİ - Dağ Yəhudilərinin Beynəlxalq Xeyriyyə Fondunun vitse-prezidenti.

Rusiya Federasiyası, Moskva şəhəri