Bəylər Abdullayev və başqalarından, Zərdab, Azərbaycan

Hörmətli cənab Prezident.

Sizin rəhbərliyinizlə ölkəmiz gündən-günə abadlaşır, çiçəklənir, bütün sahələrdə yeni-yeni uğurlar qazanır. Bu il yüz illiyini qeyd etdiyimiz, yeni Azərbaycanın qurucusu və memarı, Ulu Öndər Heydər Əliyevin təbirincə desək: “Biz fəxr edirik ki, biz azərbaycanlıyıq!".

Cənab Prezident, Zərdab rayonunun Kəndəbil, Ağabağı, Şıxbağı, Nəzəralılı kəndlərini birləşdirən avtomobil yolunun tikintisi ilə bağlı Sərəncamınız uşaqdan böyüyə hamını sevindirdi. Biz yol sarıdan çox əziyyət çəkirdik. İndi kəndlərimizdə hamının üzü gülür, hər yanda bir bayram havası var. Sizin imzaladığınız müvafiq Sərəncamdan sonra artıq yolun çəkilişinə başlanılıb. İşlər uğurla davam etdirilir.

Cənab Prezident, hər sahədə olduğu kimi, bu sahədə də bizə göstərdiyiniz diqqət və qayğıya görə kənd sakinləri adından Sizə öz dərin minnətdarlığımızı bildiririk.

Hörmətlə,

Nəzəralılı, Şıxbağı, Kəndəbil və Ağabağı kəndlərinin sakinləri:

Abdullayev Bəylər Ağa oğlu,

Cəbrayılov Afiq Məmmədalı oğlu,

Dəmirov Asif Məhərrəm oğlu,

Əhmədov Müşviq Nəcməddin oğlu,

Əkbərov Nurayət Bərxuda oğlu,

Xəlilov Rauf Mirsahib oğlu,

Bəkirov Nicat Soltanəhməd oğlu və başqaları (81 nəfər).

Azərbaycan Respublikası, Zərdab rayonu.