Vüsal Cəfərovdan, Tərtər, Azərbaycan

Möhtərəm Prezidentimiz!

Sizin ölkədə təhsilin inkişafına göstərdiyiniz böyük diqqət və qayğı bir daha təsdiqləyir ki, bu sahə dövlətimiz üçün çox mühüm əhəmiyyət kəsb edir. Son 15-20 ildə Azərbaycanda heç bir dövrdə olmayan qədər məktəb binası tikilmiş, yüzlərlə məktəb binası əsaslı təmir olunmuş, müasir avadanlıqla təchiz edilmişdir. Gələcəyimiz olan şagirdlər üçün yaradılan yaxşı şərait elə gələcək üçün yatırılan sərmayədir.

Mən şəhid qardaşıyam, Aslan Kərimov adına Tərtər şəhər 3 saylı tam orta məktəbdə gözətçi işləyirəm. İstifadəyə yararsız vəziyyətə düşmüş məktəb binası əsaslı təmir edildi, demək olar ki, yenisi ilə əvəz edildi.

Görülən bu işlərə görə Sizə şəxsən öz dərin təşəkkürümü bildirirəm.

Hörmətlə,

Cəfərov Vüsal, şəhid ailəsinin üzvü.

Azərbaycan Respublikası, Tərtər şəhəri.