Nazim Ağakişiyev və başqalarından, İsmayıllı, Azərbaycan

Möhtərəm cənab Prezident!

Əsası Ümummilli Liderimiz Heydər Əliyev tərəfindən qoyulmuş, Sizin müdirik və yorulmaz fəaliyyətiniz nəticəsində gündən-günə qüdrətlənən müasir müstəqil Azərbaycan Respublikası bütün sahələrdə böyük uğurlar əldə edir. Xalqımızın sosial rifah halı yaxşılaşıb, sosial-iqtisadi sahədə böyük nailiyyətlər qazanılıb. Ölkəmizin hər bir guşəsi, hər bir yaşayış məntəqəsi inkişaf etməkdədir.

Cənab Prezident, İsmayıllı rayonunun İvanovka, Uştal, Qalagah, Soltankənd, Hacıhətəmli, Ruşan, Vəng, Mollaisaqlı və Mücühəftəran kəndlərində yaşayan 11 min əhalinin içməli su ilə təminatının yaxşılaşdırılması məqsədilə Göyçay çayından çəkilmiş magistral su kəmərinin və kəndlərin daxili su şəbəkələrinin yenidən qurulması üçün imzaladığınız Sərəncam sakinlərin hədsiz sevincinə səbəb olmuşdur.

Əziz və hörmətli Prezidentimiz, Hacıhətəmli kəndinin bütün sakinləri adından Sizə təşəkkürümüzü bildirir, üzün ömür, cansağlığı, ölkəmizin daha da inkişafı, xalqımızın xoşbəxt gələcəyi naminə yeni-yeni uğurlar arzulayırıq.

Hörmətlə,

Ağakişiyev Nazim Qədim oğlu,

Hüseynov Maqsud Ərzuman oğlu,

Balaliyev Əlişir Ramis oğlu,

Kərimova Ruqiyyə Qalib qızı.

Azərbaycan Respublikası, İsmayıllı rayonu, Hacıhətəmli kəndi.