Şəhid anasından, Gəncə, Azərbaycan

Hörmətli cənab Prezident.

Sizin komandanlığınızla rəşadətli Ordumuzun şücaəti sayəsində torpaqlarımız düşmən işğalından azad olundu. Şanlı Zəfəri bizə yaşatdığınıza görə Sizə təşəkkürümü bildirirəm. Bu tarixi Qələbə bizə milli qürurumuzu qaytardı, düşmənə öz yerini göstərdi. Xalqımızın birliyinin rəmzinə çevrilmiş “Dəmir yumruq” düşmənin başını əzdi. Məhz bu birlik sayəsində torpaqlarımız öz sahibinə - Azərbaycana qayıtdı.

Cənab Prezident, şəhid ailələrinə, müharibə iştirakçılarına, qazilərə göstərdiyiniz diqqət və qayğıya görə Sizə, Mehriban xanıma minnətdarlığımı bildirirəm.

Ulu Tanrı Sizi və ailənizi daim öz pənahında saxlasın!

Hörmətlə,

Məmmədova Günay, şəhid anası.

Azərbaycan Respublikası, Gəncə şəhəri.