Yeganə Mehtiyevadan, Tərtər, Azərbaycan

Hörmətli cənab Prezident.

Bu günlərdə sevincimizin həddi-hüdudu yoxdur. 15 Sentyabr - Bilik Gününü Heydər Əliyev Fondu tərəfindən tikilən məktəbimizdə qarşıladıq. Tərtər rayonunda 1979-cu ildə inşa edilmiş Şükür Həmidov adına Azad Qaraqoyunlu kənd tam orta məktəbinin köhnə binası yararsız vəziyyətə düşmüşdü. Bu, kollektivimizi, kənd sakinlərini həmişə narahat edirdi. İndi Heydər Əliyev Fondu tərəfindən əvvəlki ikimərtəbəli məktəbin əvəzinə müasir üçmərtəbəli, 320 şagird yerlik məktəb binası tikilmişdir. Artıq şagirdlərimiz təhsillərini daha geniş, işıqlı tədris avadanlıqları ilə təchiz olunmuş sinif otaqlarında alacaqlar.

Cənab Prezident, şagirdlərimizə gözəl təhsil şəraiti yaratdığınıza görə Sizə və Mehriban xanıma məktəbimizin müəllim-şagird kollektivi adından minnətdarlığımızı bildiririk. Pedaqoji kollektivimiz bizə göstərilən diqqət və qayğıdan ilhamlanaraq şagirdlərin bilik səviyyəsinin yüksəldilməsi naminə daha da əzmlə çalışacaq, Azərbaycan təhsilinin inkişafına öz əməli işləri ilə töhfə verəcəklər.

Allah Sizi və ailənizi qorusun!

Hörmətlə,

Mehtiyeva Yeganə,

Tərtər rayonu Şükür Həmidov adına Azad Qaraqoyunlu kənd tam orta məktəbinin direktoru.

Azərbaycan Respublikası, Tərtər rayonu, Azad Qaraqoyunlu kəndi.