Venera Baxışovadan, Qəbələ, Azərbaycan

Hörmətli cənab Prezident.

Xalqımızın rifahı üçün atdığınız addımlar Sizin Lider kimi uğurlu siyasətinizi təcəssüm etdirir. Respublikamızın bütün sahələri kimi elm və təhsil sahəsi də inkişaf edir, yeni məktəb binaları tikilir.

Cənab Prezident, Qəbələ rayonunun Nic qəsəbəsində yeni ümumtəhsil məktəbi binasının tikintisi ilə bağlı tədbirlər haqqında imzaladığınız Sərəncamın icrası başa çatdı. Kollektivimiz yeni tədris ilinə yeni binada başladı. Bu hadisə müəllimlərimizi, sagirdlərimizi daha da ruhlandırdı, sevindirdi. Təhsilə olan diqqətinizin sayəsindədir ki, hər bir gənc sağlam mühitdə qayğı ilə inkişaf edir. Bütün bunlara görə məktəbin kollektivi adından Sizə minnətdarlığımızı bildiririk.

Ulu Tanrı Sizi qorusun!

Hörmətlə,

Baxışova Venera, Nic qəsəbə 4 nömrəli tam orta məktəbin direktoru.

Azərbaycan Respublikası, Qəbələ rayonu, Nic qəsəbəsi.