Rasif Abuşov və başqalarından, Saatlı, Azərbaycan

Hörmətli cənab Prezident.

Ölkəmizdə təhsilə diqqət və qayğı həm Ulu Öndər Heydər Əliyevin, həm də onun siyasi kursunun layiqli davamçısı olaraq Sizin rəhbərliyiniz dövründə yüksək səviyyədə olmuşdur. Bu illər ərzində Azərbaycanda yüzlərlə məktəb binası tikilmiş və ya əsaslı təmir olunmuşdur.

Bizim kəndimizin də məktəbi üçün gözəl bina tikilib istifadəyə verilmişdir. Şagirdlər bu yeni məktəbdə təhsil almaqdan, müəllimlər isə dərs deməkdən razılıq edirlər. Məktəb 320 şagird yerlikdir. Təhsil müəssisəsində müasir sinif otaqları ilə yanaşı, hər cür avadanlıqla təchiz olunmuş məktəbəhazırlıq və bir sıra fənlər üzrə xüsusi otaqlar, kitabxana, akt və idman zalı, yeməkxana mövcuddur. Kəndimizdə bu cür məktəb binasının tikilməsinə görə, çox sevincliyik.

Cənab Prezident, Azadkənd kənd tam orta məktəbi üçün yeni binanın tikilməsinə görə kənd sakinləri adından Sizə dərin minnətdarlığımızı bildiririk.

Allah Sizi qorusun!

Hörmətlə,

Abuşov Rasif,

Rahmanov Fuad,

Mirəli Nuruşov,

Rahib Mehdiyev.

Azərbaycan Respublikası, Saatlı rayonu, Azadkənd kəndi.