Tofiq Hüseynovdan, Tərtər, Azərbaycan

Hörmətli Prezident!

Sizin rəhbərliyinizlə Azərbaycanın qazandığı hər bir nailiyyət xalqımızın böyük sevincinə səbəb olur. 44 günlük Vətən müharibəsində əldə edilən Zəfər nəticəsində tarixi Qarabağ torpaqlarımız düşməndən azad olundu. İşğaldan azad edilmiş ərazilərdə qısa müddətdə həyata keçirilən bərpa və yenidənqurma işləri, keçmiş məcburi köçkünlərin öz doğma yurdlarına qayıdıb orada yaşamaları dövlətimizin malik olduğu qüdrəti bütün dünyaya nümayiş etdirdi. Bu günlərdə isə hərbçilərimizin böyük qəhrəmanlıq, şücaət göstərərək Qarabağda bir gün ərzində həyata keçirdikləri və Azərbaycanın öz suverenliyini tam bərpa etməsi ilə nəticələnən antiterror tədbirləri bizi yenidən qürurlandırdı.

Cənab Prezident, qazanılan bütün uğurlar Sizin müdrik siyasətinizin nəticəsidir. Məhz bu siyasət sayəsində Azərbaycanın beynəlxalq miqyasda nüfuzu getdikcə artır. Xalqımıza böyük sevinc və fəxarət hissləri yaşatdığınıza görə Sizə minnətdarıq.

Ulu Tanrı Sizi, dövlətimizi və qəhrəman Ordumuzu qorusun!

Hörmətlə,

Hüseynov Tofiq

Azərbaycan Respublikası, Tərtər şəhəri.