Səkinə Abdullayeva və başqalarından, Zaqatala, Azərbaycan

Hörmətli cənab Prezident!

Sizin ölkə başçısı kimi həyata keçirdiyiniz tədbirlərin, gördüyünüz bütün işlərin kökündə vətəndaşların həyat şəraitinin daha da yaxşılaşdırılması, sağlamlıqlarının qorunması durur. Siz vətəndaşların üzləşdikləri problemlərin həllini daim diqqətdə saxlayırsınız. Gördüyünüz işlərlə dəfələrlə sübut etmisiniz ki, Siz hər bir Azərbaycan vətəndaşının Prezidentisiniz. Göstərdiyiniz diqqət və qayğı xalqın Sizə olan inamını və məhəbbətini daha da artırır.

Möhtərəm Prezident, bu il sentyabrın 7-dən 8-nə keçən gecə yağan leysan yağış və dolu nəticəsində evlərimiz çox pis vəziyyətə düşmüşdü. Sizin tapşırığınıza əsasən görülən təxirəsalınmaz tədbirlər nəticəsində tez bir müddətdə bizə yardım göstərildi.

Sizə minnətdarlığımızı bildiririk. Sizin kimi xalqını sevən, ona yüksək diqqətlə yanaşan Prezidentimizin olması bizi çox sevindirir.

Cənab Prezident, Allah Sizi Azərbaycan xalqının başı üzərindən əskik etməsin!

Hörmətlə,

Abdullayeva Səkinə,

Rəcəbov Seyid,

Laçınov İbadullah,

Abdullayev Məmməd.

Azərbaycan Respublikası, Zaqatala rayonu, Car kəndi.