Dəstanə Nəsirovadan, Bakı, Azərbaycan

Cənab Prezident, Müzəffər Ali Baş Komandan!

Azərbaycanın rəşadətli Ordusunun Qarabağda qanunsuz erməni hərbi birləşmələrinə qarşı həyata keçirdiyi lokal antiterror tədbirləri xalqımız tərəfindən böyük qürur hissi ilə qarşılandı. Sentyabrın 19-da başlayan və separatçıların cəmi bir gün tab gətirdikləri antiterror tədbirləri müasir Azərbaycan tarixinin şanlı səhifələrindəndir. Bu uğur Sizin qətiyyətinizin, müdrik və uzaqgörən siyasətinizin, xalqımızın öz liderinin ətrafında “dəmir yumruq” kimi birləşməsinin məntiqi nəticəsidir.

Cənab Prezident, ölkəmizin ərazi bütövlüyü uğrunda atdığınız hər bir addıma görə Sizə minnətdarıq. Sizin müdrik siyasətinizi dəstəkləyirik.

Uca Allah Sizi və xalqımızı qorusun!

Hörmətlə,

Nəsirova Dəstanə

Azərbaycan Respublikası, Bakı şəhəri, Yasamal rayonu.