Fərhad Bədəlbəylidən, Bakı, Azərbaycan

Zati-aliləri!

Sizin rəhbərliyinizlə qüdrətli Azərbaycan Ordusunun müvəffəq olduğu şanlı Qələbə xəbəri bizi çox sevindirdi və qürurlandırdı. Bu Qələbə Azərbaycanın haqq səsinin dünyada tanınması deməkdir. Tarixi torpaqlarımızın qayıtması, ədalətin bərqərar olması, Azərbaycan həqiqətlərinin dünyaya çatdırılması xalqımızın zəfəridir. Qələbə sevincini bizə yaşatdığınız üçün Sizə hədsiz minnətdarlığımızı bildiririk.

Qalib Sərkərdəmiz!

Siz xalqın fəxri, vüqarısınız!

Sizi Üzeyir Hacıbəyli adına Bakı Musiqi Akademiyasının rektorluğu və müəllim heyəti adından şanlı Qələbəmiz münasibətilə ürəkdən təbrik edirəm.

Sizinlə fəxr edirik!

Dərin ehtiram və hörmətlə,

Bədəlbəyli Fərhad,

Üzeyir Hacıbəyli adına Bakı Musiqi Akademiyasının rektoru,

SSRİ və Azərbaycan Xalq artisti, professor.

Azərbaycan Respublikası, Bakı şəhəri.