Yaqub Tağıyevdən, Bakı, Azərbaycan

Əziz və dəyərli dövlət başçımız, cənab Ali Baş Komandan!

Başda Siz olmaqla, xidməti vəzifəsini layiqincə yerinə yetirən və bu gün ərazi bütövlüyümüzün bərpasında zəhməti keçən hər bir vətəndaşa ailəm adından dərin minnətdarlığımı və təşəkkürlərimi bildirirəm.

Uzun illərdən bəri ölkəmizdə sabitliyinin qorunması, xüsusilə Vətən müharibəsi dövründə göstərdiyiniz qətiyyət və vətənpərvərlik bizə ruh verir. Bu hal şübhəsiz ki, həm də xarici qüvvələr tərəfindən heyrətlə izlənilir. Siz və Silahlı Qüvvələrimiz xalqımızın qürurusunuz. Şükürlər olsun ki, bu gün biz tam müstəqil və suveren dövlətə çevrilmişik, konstitusion hüquqlarımız bərpa olunub və bunları Sizin sayəsində yaşayırıq. Allahdan Sizə uzun ömür, möhkəm cansağlığı arzulayıram.

Mən də Azərbaycan vətəndaşı olaraq ölkəmizin tanıdılması üçün idman sahəsində xidmətlərimi davam etdirirəm. Qarşıdakı Avropa, dünya çempionatlarında bayrağımızı dalğalandırmaq, himnimizi səsləndirmək üçün var gücümlə çalışıram. İstər döyüş meydanında, istər idman arenasında, istərsə də digər sahələrdə hər birimizin məqsədi eynidir - ölkəmizi layiqincə təmsil etmək və başını uca tutmaq! Ölkəmizə və dövlətimizə xidmət etməkdən heç bir halda əl çəkməyəcəyimə söz verirəm!

Bir daha Sizə təşəkkür edirəm, var olun!

Hörmətlə,
Tağıyev Yaqub, ehtiyatda olan hərbçi, idmançı, yerli və beynəlxalq turnirlərin mükafatçısı.

Azərbaycan Respublikası, Bakı şəhəri.