Elbrus Abdullayevdən, Ağdam, Azərbaycan

Cənab Prezident, Müzəffər Ali Baş Komandan.

Sizin Azərbaycan xalqı qarşısındakı xidmətləriniz danılmazdır. Siz milli maraqlarımızın təmin olunması üçün hər zaman qətiyyətli addımlar atırsınız. İkinci Qarabağ müharibəsində tarixi Qələbəni məhz Sizin müdrikliyiniz, uzaqgörənliyiniz, böyük sərkərdəlik bacarığınız sayəsində qazandıq. Bu Qələbə ilə Siz adınızı tariximizə böyük Xilaskar, qətiyyətli və qəhrəman Lider kimi əbədi həkk etdiniz.

Möhtərəm Prezident, Azərbaycanın konstitusiya quruluşunun bərpa edilməsi məqsədilə həyata keçirilən lokal xarakterli antiterror tədbirləri tariximizdə daha bir parlaq səhifə açdı. Əldə edilən qələbələr, nailiyyətlər Sizin tarixi xidmətlərinizdir. Azərbaycan xalqı bu xidmətlərinizi hər zaman yüksək qiymətləndirəcək. Sizinlə fəxr edirik.

Sizə uzun ömür, cansağlığı, ölkəmizin tərəqqisi, xalqımızın firavanlığı naminə ali dövləti fəaliyyətinizdə yeni uğurlar arzulayırıq.

Hörmətlə,

Abdullayev Elbrus.

Azərbaycan Respublikası, Ağdam rayonu, Mahrızlı kəndi.