İvanovka sakinlərindən, İsmayıllı, Azərbaycan

Hörmətli cənab Prezident.

İsmayıllı rayonunda əhalinin içməli su ilə təminatının yaxşılaşdırılması ilə bağlı tədbirlər haqqında Sərəncamınız İvanovka kəndinin sakinləri tərəfindən böyük sevinclə qarşılandı.

Kəndimizdən keçən magistral su xəttinin, həmçinin kəndin içindəki su xətlərinin təmir olunacağı barədə xəbər hamımızı sevindirdi, çünki bu tədbirlərdən sonra bizim və 10 kəndin sakinlərinin içməli su ilə təminatı xeyli yaxşılaşacaq.

Sərəncamla bağlı bütün kənd sakinləri Sizə minnətdarlıq bildirir, daim bizi diqqətdə saxladığınıza, qarşıya çıxan problemlərin, həyati məsələlərin həllinə kömək etdiyinizə görə təşəkkür edirlər.

İvanovka kəndinin sakinləri Sizə möhkəm cansağlığı, ölkəmizin rifahı naminə çətin, lakin şərəfli işinizdə uğurlar arzulayırıq.

Hörmətlə,

İvanovka kənd sakinləri.

Azərbaycan Respublikası, İsmayıllı rayonu, İvanovka kəndi.