Arzu Babayeva, Sərhan Yusifzadə, Cavanşir Musayevdən, Tərtər, Azərbaycan

Cənab Prezident!

Siz təhsil sahəsinə böyük qayğı göstərirsiniz. Ölkəmizdə bu sahə hər zaman Sizin diqqət mərkəzinizdə olmuşdur. Biz bu qayğını öz məktəbimizin timsalında daha aydın gördük. Sizin Sərəncamınıza uyğun olaraq, Şikar Şikarov adına Tərtər şəhər 5 saylı tam orta məktəbi üçün 360 şagird yerlik, müasir tələblərə cavab verən bina inşa olunaraq yeni tədris ilinin əvvəlində müəllimlərin və şagirdlərin istifadəsinə verilmişdir.

Cənab Prezident, orta məktəbin kollektivi adından təhsilin inkişafına göstərdiyiniz diqqət və qayğıya görə Sizə və Mehriban xanım Əliyevaya dərin minnətdarlığımızı bildiririk.

Hörmətlə,

Babayeva Arzu, Yusifzadə Sərhan, Musayev Cavanşir.

Azərbaycan Respublikası, Tərtər şəhəri.