Oqtay Əkbərovdan, Bakı, Azərbaycan

Cənab Prezident, Müzəffər Ali Baş Komandan!

Sizin rəhbərliyinizlə rəşadətli Ordumuzun 44 günlük Vətən müharibəsində qazandığı şanlı Zəfər bu gün dillər əzbəridir. Otuz ilə yaxın işğal altında qalmış əzəli torpaqlarımızın azad olunması xalqımızı həm hədsiz sevindirdi, həm də onun birliyini, döyüş qabiliyyətini bütün dünyaya göstərdi. Qələbəmiz Sizin müdrik siyasətinizin, gecə-gündüz əzmlə çalışmağınızın nəticəsidir.

Müasir hərb tariximizdə daha bir nailiyyət isə bir neçə gün əvvəl əldə edildi və növbəti dəfə bizə sevinc yaşatdı. Belə ki, Qarabağ bölgəsində cəmi bir gün ərzində həyata keçirilən antiterror tədbirləri böyük uğurla nəticələndi.

Hörmətli Prezident, inanırıq ki, Sizin rəhbərliyinizlə ölkəmiz gələcəkdə yeni-yeni müvəffəqiyyətlər qazanmaqda, zirvələr fəth etməkdə davam edəcək. Sizə bu şərəfli yolda möhkəm cansağlığı, tükənməz enerji arzulayıram.

Hörmətlə,

Əkbərov Oqtay

I qrup Qarabağ qazisi.

Azərbaycan Respublikası, Bakı şəhəri.