Vaqif Zamanovdan, Gəncə, Azərbaycan

Möhtərəm cənab Prezident!

Azərbaycanın daha da inkişafı, dünyada mövqeyinin güclənməsi naminə yorulmaz fəaliyyətiniz, müdrik addımlarınız xalqımızın Sizə olan inamını və məhəbbətini getdikcə artırır. Sizin sayənizdə bu gün biz bütün dünyada qalib xalq kimi tanınırıq. Sizin komandanlığınızla 44 günlük Vətən müharibəsi Azərbaycan tarixinin ən parlaq səhifəsinə, xalqımızın iftixar və qürur mənbəyinə çevrildi. Sizin “Qarabağ Azərbaycandır!” kəlamınız dünya azərbaycanlıları üçün sarsılmaz birlik və həmrəylik göstəricisidir.

Cənab Prezident, bir neçə gün əvvəl Qarabağda həyata keçirilən antiterror tədbirlərinin uğurla başa çatması bizi növbəti dəfə sevindirdi, bir daha qürurlandıq. Əminik ki, Sizin rəhbərliyinizlə biz həmişə sevinc və fəxarət hissləri yaşayacağıq.

Hörmətlə,

Zamanov Vaqif, Kəlbəcər rayonunun Keşdək kənd sakini,

Azərbaycan Respublikası, Gəncə şəhəri.