Cəbrayıl rayon sakinlərindən, Azərbaycan

Hörmətli cənab Prezident.

Vətən müharibəsindən sonra işğaldan azad edilmiş ərazilərimiz qısa zamanda sürətlə dirçəlməyə başlayıb. Qarabağda, Şərqi Zəngəzurda həyat yenidən canlanır, quruculuq işləri aparılır. Bu əraziləri ziyarət edən hər bir şəxs - istər öz vətəndaşlarımız, istərsə də xarici diplomatlar, siyasətçilər, jurnalistlər erməni vandalizminə məruz qalmış ərazilərimizdə aparılan quruculuğu əyani şəkildə görürlər.

Gözlərimizin önündə kəndlərin, şəhərlərin çox sürətlə yenidən qurulmasına heyrətlənməmək olmur. Sizin siyasətinizin, diplomatik məharətinizin nadirliyi də elə bundadır.

İkinci Qarabağ müharibəsində Qələbə ilə Azərbaycan regionda yeni reallıqlar yaratdı. Ölkəmizin dünyada nüfuzu və əhəmiyyəti dəfələrlə artdı. Siz Ata vəsiyyətini həyata keçirərək, azərbaycanlıların başını uca etdiniz.

44 günlük Vətən müharibəsində azad edilmiş ərazilər üzrə Sizin sərəncamınızla şəhər günlərinin təsis edilməsi sevincimizə sevinc qatdı. İsmayıllıda məskunlaşmış cəbrayıllılılar 4 Oktyabr - Cəbrayıl Şəhər Gününü doğma Cəbrayılda qeyd edəcəkləri günü səbirsizliklə gözləyir.

Yaşasın Ali Baş Komandan!

Yaşasın Azərbaycan!

Dərin hörmətlə,

Mehdiyev Kənan Qəmbər oğlu

Rüstəmov Həsən İsmayıl oğlu, Cəbrayıl rayon sakinləri.

Azərbaycan Respublikası, İsmayıllı rayonu.