Cavanşir Kazımovdan, Siyəzən, Azərbaycan

Hörmətli cənab Prezident.

Siz Ümummilli Lider Heydər Əliyevin siyasətini layiqincə davam etdirirsiniz. Bu gün Sizin rəhbərliyinizlə ölkəmiz uğurla inkişaf edir. Respublikamızda bütün sahələrdə əldə olunan tərəqqi Sizin adınızla bağlıdır. Apardığınız uğurlu xarici siyasət sayəsində ölkəmiz beynəlxalq aləmdə böyük nüfuz qazanmışdır.

44 günlük Vətən müharibəsində qazanılan şanlı Qələbə, eyni zamanda, Qarabağda uğurla başa çatdırılan lokal xarakterli antiterror tədbirləri Sizin mahir sərkərdəlik qabiliyyətiniz, rəşadətli Ordumuzun şücaəti sayəsində mümkün olmuşdur.

Siz özünəməxsus dəst-xətti ilə seçilən Lidersiniz. Sizi dəstəkləyirəm və hər zaman dəstəkləyəcəyəm.

Cənab Prezident, fürsətdən istifadə edərək, Sizə möhkəm cansağlığı, dövlətimizin daha da güclənməsi naminə fəaliyyətinizdə uğurlar arzulayıram.

Ulu Tanrı Sizi və ölkəmizi qorusun!

Hörmətlə,

Kazımov Cavanşir,

Azərbaycan Respublikası, Siyəzən şəhəri.