Elgiz Nağıyev və başqalarından, Bərdə, Azərbaycan

Möhtərəm cənab Prezident!

Sizin uzaqgörən siyasətiniz, yorulmaz fəaliyyətiniz və qətiyyətli mövqeyiniz xalqımıza davamlı uğurlar gətirir. Qarabağ bölgəsində həyata keçirilmiş lokal xarakterli antiterror tədbirləri də müvəffəqiyyətlə başa çatdırılmış və doğma Qarabığımız mənfur terrorçulardan azad olunmuşdur. Bu qələbədə ən böyük uğur Sizə aiddir.

Yenilməz Ali Baş Komandan cənab İlham Heydər oğlu Əliyev!

Bu münasibətlə Sizi səmimi-qəlbdən təbrik edirik.

Hörmətli Prezident, Sizin müqəddəs amalınızı daim dəstəkləyərək ətrafınızda birləşən xalqımızın hər bir fərdi kimi Azərbaycan polisi də öz peşə borcunu qüsursuz və şərəflə yerinə yetirir. Sizin “Məmurlar xalqın xidmətçisidir" sözlərinizi işində rəhbər tutaraq xidməti vəzifəsini icra edən polislərimiz vaxtilə cəbhə bölgəsində yerləşən Ağdam rayonunda müharibə və postmüharibə dövründə, həmçinin lokal antiterror tədbirləri zamanı xidməti daim ayıq-sayıq və yüksək səviyyədə təşkil etmişlər. Həmçinin antiterror tədbirləri zamanı yaralanmış və şəhid olmuş hərbi qulluqçuların vaxtında təyinat nöqtəsinə çatdırılmasını təhlükəsiz şəkildə həyata keçirmişlər. Təmkinli, cəsur, daim ayıq-sayıq xidmətdə olan polislərimiz Azərbaycanın keşiyindədirlər.

Cənab Prezident, ölkəmizin tərəqqisinə, inkişafına layiqli töhfələr verdiyiniz üçün, xalqımıza və dövlətimizə yorulmadan xidmət etdiyiniz üçün Sizə hər zaman minnətdarıq.

Hörmətlə,

Nağıyev Elgiz,

Qənbərov Elşad,

Hümbətov İlqar,

Dünyamalıyev Rafiq,

Kərimli Ağakərim,

Bədəlov İbadət,

Bədəlov İsmət,

Mustafayev İzzət,

Mehdizadə Camal,

Quliyev Taleh.

Azərbaycan Respublikası, Bərdə rayonu, Soğanverdilər kəndi.