Səyyarə Qafarovadan, Samux, Azərbaycan

Möhtərəm cənab Prezident,

Mən Samux rayonunun Köbər kəndinin sakiniyəm.

Sizinlə daim fəxr edirəm. Yerə-göyə sığmıram ki, mənim ölkəmin bu qədər sevgi ilə qəlbləri dolu olan Prezidenti və birinci xanımı var. Allah Sizləri qorusun.

Əziz Prezidentimiz, Sizi televiziyada görəndə ürəyim açılır, daha da rahat oluram. Sizin vətəndaşları bu qədər düşünməyiniz, onların daha yaxşı yaşaması üçün davamlı işlər görməyiniz bizi sevindirir. Sizə bütün işlərinizdə uğurlar arzulayıram.

Sizin sayənizdə yeni məktəbimiz, yeni yolumuz var, təbii qazla təmin olunmuşuq. Əvvəllər odun axtarırdıq, istəməsək belə öz əlimizlə meşələri qırırdıq. Hazırda rahat yaşayırıq. Bizim belə həyat şəraitinə sahib olmağımızın səbəbkarı Sizsiniz.

Bu dünya durduqca yaşayıb, yaradasınız, cənab Prezident.

Hörmətlə,

Qafarova Səyyarə

Azərbaycan Respublikası, Samux rayonu, Köbər kəndi.