Fərid Abbasovdan, Roma, İtaliya

Hörmətli cənab Prezident!

Azərbaycan-İtaliya Birliyi və İtaliyada yaşayan azərbaycanlıların icması adından, ölkəmizin ən yüksək vəzifəsinə seçilməyinizin əlamətdar 20-ci ildönümü münasibətilə ürəkdən təbrik etmək və ən xoş arzularımızı bildirmək, xoşbəxtlik, cansağlığı və Azərbaycan xalqı naminə məsul fəaliyyətinizdə yeni uğurlar diləmək istəyirik.

Azərbaycan Respublikası Sizin rəhbərliyinizlə siyasi və iqtisadi inkişafda mühüm uğurlar qazanmış, islahatlar və dəyişikliklər, beynəlxalq aləmdə nüfuzunun möhkəmləndirilməsi yolu ilə qətiyyətlə irəliləyir. Sizin əzmkarlığınız və qətiyyətiniz sayəsində cəsur Azərbaycan Ordusu beynəlxalq hüququn normalarına uyğun olaraq erməni işğalçılarını qədim və tarixi torpaqlarımızdan nəhayət ki, qovaraq Azərbaycanın ərazi bütövlüyünü bərpa etdi. Bu tarixi hadisə münasibətilə Sizi bir daha təbrik edirəm. Sizin 20 il ərzindəki sarsılmaz liderliyiniz, ölkəmizin tərəqqisində, milli və demokratik dəyərlərimizin qorunmasında, həmçinin vətəndaşlarımızın rifah səviyyəsinin yüksəldilməsində önəmli rol oynayıb.

İtaliyanın strateji tərəfdaşı olan Azərbaycanın yaxın gələcəkdə bütün sahələrdə yeni uğurlar qazanacağına inanırıq və bunu səmimi qəlbdən arzulayırıq.

Sizi bir daha ürəkdən təbrik edir, möhkəm cansağlığı və uzun ömür, uğurlu siyasətinizdə yeni-yeni nailiyyətlər diləyirəm.

Hörmətlə,

Abbasov Fərid,

Azərbaycan-İtaliya Birliyinin sədri.

İtaliya, Roma şəhəri.