Ələkbər Kərimov və başqalarından Tərtər, Azərbaycan

Möhtərəm cənab Prezident,

Bu gün sevincimiz sonsuzdur. Tez-tez, ancaq yuxularımızda olduğumuz doğma yerləri – Ağdərə torpağını Siz bizə qaytardınız. Yuxularımız Sizin vasitənizlə çin oldu. 30 ildən çox çəkdiyimiz doğma yurd həsrəti sona çatdı. Əzəli-əbədi torpaqlarımızda Azərbaycan Bayrağı dalğalandı. Daha nisgilimiz qalmadı.

Əziz Prezidentimiz!

Sizinlə fəxr edir, qürur duyuruq. Sizə olan hörmət və sevgimiz sonsuzdur. Uzun illər Vətən həsrəti ilə yaşasaq da geri dönəcəyimizə inanırdıq. Nə yaxşı ki, gözlədiyimiz sevincli günləri bizə yaşatdınız, ermənilərə yerlərini göstərdiniz. Sizin dediyiniz kimi, dünyada yaşayan milyonlarla azərbaycanlı əsgəri və zabiti ilə, Azərbaycan dövləti ilə haqlı olaraq fəxr edir. Azərbaycan xalqı bu qələbəni öz qanı, canı bahasına əldə edib. Sizin yüksətdiyiniz bayraq bu torpaqlarda daim dalğalanacaq və biz dədə-baba yurdumuzda əbədi yaşayacağıq.

Qarabağ bizimdir, Qarabağ Azərbaycandır!

Eşq olsun Ümummilli Liderimizin varisinə, onun siyasi kursunun layiqli davamçısına!

Biz tərtərlilər, ağdərəlilər həmişə Sizinləyik və Sizinlə fəxr edirik.

Hörmətlə,

Kərimov Ələkbər

Mustafayev Bahadur

Mustafayeva Aybəniz

Bayramov Nüsrət

Qurbanov Vidadi

Azərbaycan Respublikası, Tərtər rayonu.