Müşgünaz Abbasovadan, Tərtər, Azərbaycan

Hörmətli cənab Prezident.

Ötən ay Qarabağda həyata keçirilən antiterror tədbirlərinin uğurla nəticələnməsi, erməni separatçı ünsürlərin məhv edilməsi, ölkəmizin suverenliyinin tam bərpa olunması mühüm tarixi hadisələrdir.

Oktyabrın 15-də Sizin Xankəndi şəhərində və Qarabağın digər ərazilərində Dövlət Bayrağımızı ucaltmağınızı sevinc göz yaşları içində izlədim. 44 günlük Vətən müharibəsində qazandığımız şanlı Zəfərdən sonra xalqımıza növbəti dəfə böyük xoşbəxtlik yaşatdığınıza görə Sizə minnətdaram.

Qarabağda həyata keçirilən möhtəşəm yenidənqurma işlərində Sizə uğurlar arzulayıram. Sizi hər zaman dəstəkləmişik və dəstəkləyəcəyik.

Hörmətlə,

Abbasova Müşgünaz Salman qızı.

Azərbaycan Respublikası, Tərtər rayonu, Umudlu kəndi.