Rəşidə Behbudova və Kamil Şahverdiyevdən, Bakı, Azərbaycan

Çox hörmətli cənab Prezident, Müzəffər Ali Baş Komandan.

Bizə bəxş etdiyiniz şərəf və ləyaqət hissləri ilə yanaşı, qürurumuzu da bizə qaytardığınıza görə Sizə dərin təşəkkürümüzü bildiririk.

Müqəddəs üçrəngli Bayrağımızın Vətənin hər guşəsində dalğalanmasını fərəhlə seyr etmək xoşbəxtliyini bizə yaşatdığınıza görə, Sizə sonsuz minnətdarlığımızı bildiririk.

2023-cü il oktyabrın 15-i Azərbaycan tarixinin ən möhtəşəm bir günü kimi yaddaşlarda əbədi yaşayacaq. Bu şərəfli gün ölkəmizin şanlı gələcəyinin başlanğıcı kimi tariximizə qızıl hərflərlə yazılacaq.

300 ildən bəri Qələbə həsrəti ilə yaşayan xalqımızı Qələbəyə qovuşduran Ali Baş Komandan kimi Sizə sonsuz sevgimizi çatdırırıq.

Uca Tanrıdan Sizə, sevimli Mehriban xanıma və ailə üzvlərinizin hər birinə möhkəm cansağlığı, xoşbəxtlik və Azərbaycan naminə yeni-yeni uğurlar arzu edirik.

Dualarımız hər zaman Sizinlədir!

Hörmətlə,

Rəşidə Behbudova,

Kamil Şahverdiyev.

Azərbaycan Respublikası, Bakı şəhəri.