Səidə Əliyevadan, Salyan, Azərbaycan

Möhtərəm cənab Prezident.

Ötən 20 il ərzində Siz Azərbaycan dövlətinin başçısı kimi tarix yazmısınız. Ali dövləti vəzifədə fəaliyyətinizin ilk günlərindən başlayaraq nümayiş etdirdiyiniz yüksək idarəçilik məharəti, milli maraqlara söykənən daxili və xarici siyasətiniz qısa müddətdə Sizə xalq arasında böyük rəğbət, sonsuz inam və etibar qazandırdı. Ölkəmizin sürətli inkişafı, xalqın rifahının yüksəlməsi, iqtisadiyyatın şaxələndirilməsi – bütün bunlar Sizin gərgin zəhmətinizin nəticəsində mümkün olmuşdur.

Azərbaycanın daxili və xarici siyasətində nail olduğunuz uğurlar ölkəmizi böyük Zəfərə, ərazi bütövlüyünün, suverenliyinin təmin olunmasına addım-addım yaxınlaşdırırdı. 44 günlük Vətən müharibəsində tarixi Qələbənin qazanılması, 2023-ci il oktyabrın 15-də Xankəndi şəhərinin mərkəzi meydanında Azərbaycan Bayrağının qaldırılması ilə 20 il əvvəl qarşıya qoyulmuş bütün hədəflər reallığa çevrildi. Siz qalib ölkəmizi bütün dünyada tanıtmısınız, xidmətləriniz tariximizə qızıl hərflərlə həkk olunub.

Cənab Prezident, Sizinlə fəxr edirik, Sizə minnətdarıq və fəaliyyətinizdə uğurlar arzulayırıq.

Hörmətlə,

Əliyeva Səidə Məmmədağa qızı.

Azərbaycan Respublikası, Salyan rayonu.