Etibar Ağakişiyevdən, Bakı, Azərbaycan

Möhtərəm cənab Prezident.

2003-cü ildə Azərbaycan xalqı Sizi Prezident seçməklə gələcəyimizi, rifahlı sabahımızı, bugünkü qalibiyyətimizi seçmiş oldu. 20 il ərzində Siz daim ərazi bütövlüyümüz uğrunda çalışdınız və bu şərəfli, taleyüklü, müqəddəs yoldan bir an belə dönmədiniz.

Sizin uzaqgörənliyiniz, qətiyyətiniz, şanlı Ordumuzun döyüş əzmi və şəhidlərimizin şücaəti sayəsində xalqımız düşmənə qalib gəldi və Vətənimizin ərazi bütövlüyü təmin olundu.

Mən, Birinci Qarabağ müharibəsi qazisi, Vətən müharibəsi şəhidinin atası kimi düşmən üzərindəki Qələbəyə, tarixi torpaqlarımızda Bayrağımızı dalğalandırdığınıza, eyni zamanda, ölkəmizdə şəhid ailələrinə göstərilən diqqət və qayğıya görə Sizə təşəkkür edirəm. Həmçinin gələcəyimizin, sabahlarımızın Sizinlə daha parlaq olacağına inandığımı bildirirəm.

Hörmətlə,

Ağakişiyev Etibar Ələmdar oğlu,

Şəhid atası, Birinci Qarabağ müharibəsi qazisi.

Azərbaycan Respublikası, Abşeron rayonu, Mehdiabad qəsəbəsi.