Aslan Rüstəmovdan, İsmayıllı, Azərbaycan

Hörmətli cənab Prezident.

Sizin Prezident kimi fəaliyyət göstərdiyiniz ötən 20 illik dövrə nəzər saldıqda ölkəmizin nə qədər böyük nailiyyətlər qazandığının şahid oluruq. Bu tarixi nailiyyətlər xalqımızın Sizə olan inam və etimadını yüksək səviyyədə doğrultduğunuzu bir daha təsdiqləyir. Siz Ulu Öndər Heydər Əliyevin siyasətini layiqincə davam etdirərək Azərbaycanı inkişaf zirvəsinə yüksəltdiniz, onun beynəlxalq aləmdə nüfuzunu daha da artırdınız.

Əziz Prezident, əsrə bərabər 20 illik fəaliyyətinizin zirvəsində, işğal altındakı torpaqlarımızın azad olunması ilə nəticələnən 44 günlük Vətən müharibəsində qazanılan şanlı Zəfər dayanır. Bu gün Sizin azad edilmiş torpaqlarımıza səfərlərinizi, orada həyata keçirilən möhtəşəm yenidənqurma işlərini böyük sevinclə və qürurla izləyirik. Sizin kimi Vətənini və xalqını sevən, müdrik, qətiyyətli Liderimizin olması ilə fəxr edirik. Sizə gələcək fəaliyyətinizdə uğurlar arzulayırıq.

Hörmətlə,

Rüstəmov Aslan Qurban oğlu.

Azərbaycan Respublikası, İsmayıllı rayonu, Talıstan kəndi.